Suriyada 11 "Əl-Qaidə" terrorçusu məhv edilib

Bakı. 9 fevral. REPORT.AZ/ ABŞ hərbçiləri Suriyanın İdlib şəhəri ərazisində "Əl-Qaidə" terror qruplaşmasının 11 üzvünü zərərsizləşdiriblər.

"Report" xəbər verir ki, bu barədə ABŞ-ın Müdafiə Nazirliyi məlumat yayıb.

İdarənin məlumatına görə, terrorçulardan Əbu Hani əl-Məsri adlı biri Üsamə bin Laden və Ayman əz-Zəvahiri də daxil olmaqla bir neçə "Əl-Qaidə" lideri ilə əlaqədə olub.