Suriya ordusu Deyr-əz-Zor aviabazasının azad olunması üzrə əməliyyata başlayıb

Bakı. 8 sentyabr. REPORT.AZ/ Suriya ordusu Deyr-əz-Zor şəhərinin şərqində yerləşən aviabazanın mühasirədən azad olunması üzrə əməliyyata başlayıb.

"Report" RİA "Novosti"yə istinadən xəbər verir ki, hökumət qüvvələri artıq şəhər ilə baza arasında olan yüksəkliyi ələ keçirib.

Ordunun qabaqcıl dəstələri aviabazanın mühasirəsini şəhər qəbiristanlığı tərəfdən yarmağa başlayıb.

Hücum artilleriya və aviasiya qüvvələrinin dəstəyi ilə həyata keçirilir.