Yuxarı

​Suriyada hava zərbələri nəticəsində mindən artıq terrorçu məhv edilib

Havadan zərbələr nəticəsində 52 dinc sakin də dünyasını dəyişib.

Bakı. 24 dekabr. REPORT.AZ/ Cari ilin sentyabr ayından başlayaraq Suriyada beynəlxalq koalisiyanın hava ilə həyata keçirdiyi hərbi əməliyyatlar zamanı mindən artıq ekstremist zərərsizləşdirilib.

"Report" "İnterfax"a istinadən xəbər verir ki, bu barədə Suriyanın İnsan Haqları üzrə Müşahidə Şurasının çərşənbə axşamı açıqlanan bəyanatında bildirilir.

" "İraq-Şam İslam Dövləti (İŞİD) və "Ən-Nüsra Cəbhəsi"nin 1119 terrorçusu daxil olmaqla, 1171-dən artıq insan ərəb və Qərb dövlətlərinin aviazərbələri nəticəsində (sentyabrın 23-dən) həlak olub", - deyə məlumatda qeyd olunur.

Müşahidə Şurası əlavə edib ki, havadan zərbələr nəticəsində 52 dinc sakin də dünyasını dəyişib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi