Sudanda dinc nümayiş zamanı 4-ü tələbə olmaqla 5 etirazçı güllələnərək öldürülüb.
“Report” TASS-a istinadən xəbər verir ki, bunu Sudanın müxalif Həkimlər Komitəsindən bildiriblər.
Hadisə ölkənin Şilmali Kordofan əyalətinin mərkəzi Əl-Obeyd şəhərində baş verib.
Müxalifət təmsilçiləri yürüş zamanı iştirakçılara snayperdən atəş açıldığını deyiblər.
Qeyd edək ki, cari il aprelin 11-də 30 il Sudanı idarə etmiş Ömər əl-Bəşir hərbi çevriliş nəticəsində hakimiyyətdən uzaqlaşdırılıb.