Staffan de Mistura Suriya danışıqlarında iştirak etmək üçün Astanaya gəlib

Bakı. 22 dekabr. REPORT.AZ/ BMT baş katibinin Suriya üzrə xüsusi nümayəndəsi Staffan de Mistura Suriyada vəziyyətin nizama salınması məqsədilə keçirilən beynəlxalq görüşdə iştirak etmək üçün Astanaya gəlib.

"Report" xəbər verir ki, bu barədə Qazaxıstanın Xarici İşlər Nazirliyinin mətbuat xidmətinin rəhbəri Anuar Jaynakov bildirib.

"Staffan de Mistura danışıqlarda iştirak etmək üçün Astanaya gəlib", - deyə o bildirib.

Suriya üzrə danışıqların 8-ci raundu Qazaxıstanın paytaxtında, dekabrın 21-də başlayıb. Danışıqlarda bir sıra məsələlər, o cümlədən humanitar mövzular müzakirə ediləcək.