Yuxarı
    Bağlamaq

    Staffan de Mistura Suriya danışıqları üzrə ilk görüşü hökumət nümayəndələriylə keçirəcək

    Bəşşar Əsəd rejimini Suriyanın BMT-dəki daimi nümayəndəsi Bəşər Cəfəri təmsil edir

    Bakı. 29 yanvar. REPORT.AZ/ Suriya üzrə Cenevrə danışıqları BMT baş katibinin xüsusi nümayəndəsi Staffan de Mistura ilə hökumətin nümayəndə heyətinin görüşüylə başlayacaq. "Report" TASS-a istinadən xəbər verir ki, bu barədə Staffan de Misturanın ofisinin rəhbəri Havla Mattar bu gün məlumat verib.

    "BMT baş katibinin xüsusi nümayəndəsi Staffan de Misturanın daha əvvəl elan etdiyi kimi, Suriya üzrə danışıqlar bu gün başlayacaq. De Mistura bu gün Suriyanın BMT-dəki daimi nümayəndəsi Bəşər Cəfərinin rəhbərlik etdiyi hökumətin nümayəndə heyəti ilə görüşəcək. O, danışıqlarda iştirak edən digər şəxslərlə və vətəndaş icmasının nümayəndələriylə də görüş keçirəcək", - deyə xanım Mattar deyib.

    H.Mattar qeyd edib ki, Staffan de Misturanın yanvarın 25-də mətbuat konfransında açıqladığı kimi, danışıqlar birbaşa olmayacaq. Bu isə o deməkdir ki, tərəflər onunla ayrı-ayrılıqda görüşəcək.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi