Şolts: “Almaniya Moskva və Kiyev arasında danışıqlar prosesini dəstəkləyir”

“Almaniya Moskva və Kiyev arasında danışıqlar prosesini dəstəkləyir, lakin hansı nəticələrin ona uyğun olacağına qərar vermək Ukraynadan asılıdır”.

“Report” xəbər verir ki, bunu Almaniya kansleri Olaf Şolts bəyan edib.

Almaniya kansleri Ukraynadakı xüsusi əməliyyatı dayandırmağa və rus qoşunlarını oradan çıxarmağa çağırıb.

“Biz Rusiya prezidenti Vladimir Putini hərbi əməliyyatları mümkün qədər tez dayandırmağa çağırırıq. Qərb ölkələri Ukraynaya dəstəyini davam etdirəcək, eləcə də NATO çərçivəsində yaxından razılaşaraq öz müdafiə qabiliyyətini artıracaq”.