Sloveniyanın baş nazirinin ailəsi təhdid edilir

Naməlum şəxslər Sloveniyanın baş naziri Yanez Yanşın xanımı Urşka Baçovnik-Yanşın və onun iki oğlunun ünvanına təhdid dolu məktub göndəriblər.

“Report” xəbər verir ki, bu barədə Selye şəhərinin siyasətçinin arvadının işə düzəldiyi xəstəxanasına istinadən “Vecer” qəzeti bildirib.

Məktubun dəqiq məzmunu açıqlanmır. Sloveniya polisi artıq təhdidlə bağlı araşdırmaya başlayıb.

Baş nazir Yanez Yanş hadisəni özünün tvitterdəki səhifəsində məktub müəlliflərinə cavabla açıq şəkildə cavablandırıb. “Təhdidlər bizi sarsıda bilməz. Ailəmizi, evimizi və Vətəni qoruyacağıq, heç kimin şübhəsi olmasın”, - deyə Sloveniyanın baş naziri yazıb.

O, sözlərinə hökumət əleyhinə nümayişlərin və müxalifət partiyalarının liderlərinin fotolarını əlavə edib.

Grožnje nas ne bodo omajale
Družino, dom in domovino bomo branili. Naj nihče ne dvomi v to. Spomnite se 1991. In izterjali bomo odgovornost tistih, ki sejejo sovraštvo, pozivajo k smrti ter stanju, v katerem si potem psihopati domišljajo, da lahko (spet) nekaznovano ubijajo. pic.twitter.com/qxZjjsu58p

— Janez Janša (@JJansaSDS) April 23, 2021