Şimali Koreya lideri çinli həmkarını ölkəsinə dəvət edib

Bakı. 10 yanvar. REPORT.AZ/ Şimali Koreya lideri Kim Çen In Çin Xalq Respublikası sədri Si Tszinpinə ölkəsinə səfər emək üçün dəvət göndərib.

“Report” TASS-a istinadən xəbər verir ki, Koreya Mərkəzi Teleqraf Agentliyinin məlumatına görə, bu dəvət məmnuniyyətlə qəbul edilib. Bu səfərin baş tutacağı təqdirdə Çin dövlət başçısının Şimali Koreyaya 2011-ci ildən sonra ilk səfəri olacağı qeyd olunub.