Şimali Kiprdə yeni hökumət qurulub

Şimali Kipr Türk Respublikasında yeni hökumət qurulub.

“Report” “Haber Global”a istinadən xəbər verir ki, yeni hökumətə Milli Birlik Partiyasının sədri Faiz Sucuoğlu rəhbərlik edəcək.

Koalisiyada Milli Birlik Partiyası, Demokratik Partiya və “Yenidən doğuş” Partiyasının nümayəndələri yer alıblar.

Qeyd edək ki, Milli Birlik Partiyası yanvarın 23-də keçirilən növbədənkənar seçkiləri 39.54 faiz səslə ilk pillədə başa vurmuşdu.