“Şimal axını 2” Almaniyanın XİN rəhbərini çıxılmaz vəziyyətə salıb

“Şimal axını 2” Almaniyanın XİN rəhbərini çıxılmaz vəziyyətə salıb Almaniyanın xarici işlər naziri Annalena Berbok “Şimal axını 2” (“Nord Stream 2”) boru kəməri layihəsi ilə bağlı mövqeyinə görə çıxılmaz vəziyyətdə qalıb.
Digər ölkələr
119
12 Dekabr , 2021 10:37
“Şimal axını 2” Almaniyanın XİN rəhbərini çıxılmaz vəziyyətə salıb

Almaniyanın xarici işlər naziri Annalena Berbok “Şimal axını 2” (“Nord Stream 2”) boru kəməri layihəsi ilə bağlı mövqeyinə görə çıxılmaz vəziyyətdə qalıb.

“Report” xəbər verir ki, bu barədə “Frankfurter Allgemeine Zeitung” jurnalı üçün məqaləsində siyasi şərhçi Yohannes Leythoyzer yazıb.

Nəşrin müəllifi qeyd edib ki, “Yaşıllar” partiyasının nümayəndəsi kimi siyasətçi qaz kəmərinin çəkilməsinə qarşı çıxıb.

“Lakin hazırda koalisiyanın nümayəndəsi kimi o, Almaniya Sosial Demokrat Partiyasının tikintisi artıq başa çatmış qaz kəmərindən imtina etməmək barədə irəli sürdüyü təkliflə razılaşmalı olacaq. Bununla belə, o, yalnız jestlərlə qeyd edə bilər ki, Rusiya Ukraynaya qarşı güc tətbiq etsə, boru kəmərinin işləməsi ehtimalı azdır”.

Berbok dəfələrlə “Şimal axını 2” layihəsinə qarşı çıxış edib və həmçinin, Rusiyanı şantajda ittiham edib. Yaşılların nümayəndəsi kimi o, kömür enerjisindən imtinanın və bərpa olunan enerji mənbələrinin inkişafının, eləcə də tikinti, kənd təsərrüfatı və digər sahələrdə oxşar həllərin tərəfdarıdır.

Son xəbərlər

Orphus sistemi