Yuxarı
    Bağlamaq

    ​Səudiyyə Ərəbistanı İraqda yenidən səfirlik açır

    Hər iki ölkə Ərbildə konsulluğun açılması məsələsində də razılıq əldə edib

    Bakı. 3 yanvar. REPORT.AZ/ Səudiyyə Ərəbistanı İraqın paytaxtı Bağdad şəhərində yenidən səfirlik, Ərbil şəhərində isə konsulluq açacaq. "Report"un məlumatına görə, bu barədə Səudiyyə Ərəbistanının rəsmi xəbər agentliyi (SPA) məlumat yayıb. 

    Xəbərdə hər iki ölkə arasında bununla bağlı razılaşma əldə olunduğu bildirilib.

    Məlumatda həmçinin uzunmüddətli fasilədən sonra Səudiyyə Ərəbistanının İraqda yenidən açılması planlaşdırılan diplomatik missiyalarının texniki infrastruktur işləri ilə bağlı nümayəndə heyətin bu həftə Bağdada göndəriləcəyi qeyd olunub.

    Qeyd edək ki, Səudiyyə Ərəbistanı 1990-cu ildə Səddam Hüseyn dövründə İraqın Küveyti işğal etməsi və rəsmi ər-Riyadı təhdid etməsi səbəbindən Bağdaddakı səfirliyini bağlamışdı.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi