Sergey Narışkin: "ABŞ-dan olan həmkarımla görüşə bilərəm, təmasları davam etdirməyə ehtiyac var"

Rusiya Xarici Kəşfiyyat Xidmətinin rəhbəri Sergey Narışkin, ABŞ Mərkəzi Kəşfiyyat İdarəsinin (MKİ) direktoru Uilyam Börnslə görüşə bilər.

“Report” xəbər verir ki, bunu S.Narışkin TASS-a müsahibəsində deyib.

Onun sözlərinə görə, iki ölkə arasında əlaqələri davam etdirməyə ehtiyac var.

Xarici Kəşfiyyat Xidmətinin rəhbəri qeyd edib ki, son vaxtlar MKİ-nin direktoru ilə ünsiyyəti olmayıb: “Bununla belə, bizim kifayət qədər normal münasibətlərimiz var. Mənə elə gəlir ki, təmasların qorunmasına ehtiyac mövcuddur”.

Qeyd edək ki, tərəflər sonuncu dəfə 2022-ci il noyabrın 14-də Ankarada Türkiyə Milli Kəşfiyyat Təşkilatının qərargahında görüşüblər.