Senatda Trampın impiçmenti prosesi fevralın 8-dən sonra başlayacaq

Senatdakı demokrat çoxluğun lideri Çak Şumer ABŞ-ın keçmiş prezidenti Donald Trampın impiçmenti üzrə prosesin başlanğıc tarixini açıqlayıb.

“Report” xəbər verir ki, bu barədə “Reuters” bildirib.

Onun sözlərinə görə, impiçment üzrə maddələr yanvarın 25-də, bazar ertəsi təqdim ediləcək.

Çak Şumer əlavə edib ki, bundan sonra ittiham və müdafiə tərəfi iki həftə ərzində Senatda qarşıdakı prosesə hazırlaşa və öz rəylərini xüsusi sənədlərdə rəsmiləşdirə biləcəklər.