Səfir: "Kiyevdə hökumət binası ətrafında təhlükə yoxdur"

“Kiyevdə hökumət binası ətrafında təhlükə yoxdur. Ukrayna hərbçilərinin geyimində olanlar xalq arasında panika yaratmaq istəyirdilər. Onlar məhv edilib”.

“Report” xəbər verir ki, bu fikirləri Ukraynanın Türkiyədəki səfiri Vasili Bodner jurnalistlərə açıqlamasında bildirib.

“İlk növbədə rusları Ukraynadan qovmaq, sonra bizim NATO-ya üzvlüyümüz barədə düşünmək lazımdır. Ukraynanın NATO-ya üzv olmaq barədə iddiaları hələ də gündəmdədir. Ukrayna sadəcə NATO-ya yox, Avropa İttifaqına da üzv olmalıdır”, - deyə o vurğulayıb.