Şarl Mişel Qazaxıstan Prezidenti ilə görüşüb

Avropa İttifaqı Şurasının Prezidenti Şarl Mişel Qazaxıstanın dövlət başçısı Kasım-Jomart Tokayevlə görüşüb.

“Report” xəbər verir ki, bu barədə Şarl Mişel tviterdə yazıb.

O, Mərkəzi Asiya ilə əlaqələri dərinləşdirmək niyyətində olduğunu bildirib: “Qazaxıstan Prezidenti ilə ümumi maraq doğuran məsələlər müzakirə olunub. Həmçinin intensivləşən iqtisadi əlaqələr, insan hüquqları barədə fikir mübadiləsi aparılıb”.

Qeyd edək ki, Avropa İttifaqı Şurasının Prezidenti Qazaxıstanın paytaxtı Astanada səfərdədir.