Şanxayda bıçaqlı şəxs 3 nəfəri qətlə yetirib, 15 nəfəri yaralayıb

Şanxayda supermarketlərdən birində baş vermiş hücum nəticəsində azı üç nəfər həlak olub, 15 nəfər bıçaqlanıb.

“Report” xəbər verir ki, bu barədə “Xinhua” agentliyi məlumat yayıb.

Polis hadisə barədə yerli vaxtla saat 21:47-də (Bakı vaxtı ilə 17:47) məlumat alıb. 37 yaşlı kişi olan hücum edən şəxs hadisə yerində saxlanılıb.

Faktla bağlı araşdırma aparılır.