Yuxarı

Sankt-Peterburqda hərbi hospitalında tibb bacılarını öldürməkdə şübhəli bilinən 3 nəfər saxlanılıb

Onlara daha əvvəl nevrotik reaksiya, nevrotik vəziyyət və psixopatiya diaqnozları qoyulubmuş

Bakı. 12 aprel. REPORT.AZ/ Sankt-Peterburq hərbi hospitalında tibb bacılarını öldürməkdə şübhəli bilinən 3 nəfər saxlanılıb.

"Report" "RİA Novosti"yə istinadən xəbər verir ki, bu barədə şəhərin güc strukturlarındakı mənbə məlumat verib.

Mənbənin sözlərinə görə, adam öldürməkdə şübhəli bilinən rayon hərbi hospitalının psixiatriya şöbəsinin pasientləri saxlanılaraq hüquq-mühafizə orqanlarına təhvil verilib.

İstintaq araşdırmalarına görə, çərşənbə axşamına keçən gecə psixiatriya şöbəsində müalicə alan üç xəstə iki tibb bacısını öldürərək gizlənib. Tibb bacılarının öldürülməsinə görə 3 hərbi qulluqçu - David Ziqanşin, Milli Qvardiyada müqaviləylə çalışan Aleksandr Tomski və Hərbi-Kosmik Akademiyanın kursantı Stepan Dotsenko barəsində axtarış elan edilib.

"İnterfaks"ın hüquq-mühafizə orqanlarındakı mənbəsinin məlumatına görə, iki şübhəli şəxsə daha əvvəl "nevrotik reaksiya" və "nevrotik vəziyyət", üçüncüsünə isə "psixopatiya" diaqnozları qoyulubmuş.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi