San-Fransisko polisi qatil robotlardan istifadə etməyi planlaşdırır

ABŞ-ın San-Fransisko şəhərinin Polis Departamenti (SFPD) insidentlərə cavab olaraq “öldürücü güc” robotlarından istifadəyə icazə verilməsini təklif edib.

"Report" xəbər verir ki, departament 12-si işləməsə də, cəmi 17-si olan robotlar bazasından istifadə etməyi təklif edir.

Polis sözçüsü bildirib ki, uzaqdan idarə olunan qurğular adətən ərazidə araşdırmalar və bombanın zərərsizləşdirilməsi üçün istifadə olunur. Təklifə əsasən, departament onlardan “təlim və modelləşmə, cinayətkarların saxlanılması, kritik hadisələr, fövqəladə hallar, orderin icrası və ya şübhəli cihazların qiymətləndirilməsi zamanı” istifadə etmək istəyir.

“Verge”nin məlumatına görə, yeni “Remotec” robotları əlavə silah sisteminə malikdir və onların F5A modeli çox vaxt bombaları partlatmaq üçün istifadə edilən ov tüfəngini mərmilərlə doldura bilir. ABŞ ordusunun istifadə etdiyi model pulemyot və qumbaraatan əlavə etmək üçün dəyişdirilə bilər.

Hökumətin təklifi bu robotlara "ictimai üzvləri və ya zabitlər üçün ölüm riski qaçılmaz olduqda və SFPD üçün mövcud olan hər hansı digər güc variantını üstələdikdə" insanları öldürməyə imkan verəcək.