Samarada ağır qəza olub, yeddi qazaxıstanlı xəstəxanaya yerləşdirilib

Rusiyanın Samara şəhəri yaxınlığında baş verən avtomobil qəzasında xəsarət alan altı Qazaxıstan vətəndaşı, o cümlədən iki uşaq bu gün 6 təcili yardım maşını ilə Uralsk tibb müəssisələrinə aparılıb.

Bu barədə “Report”un Qazaxıstan bürosu ölkənin Səhiyyə Nazirliyinin mətbuat xidmətinə istinadən xəbər verib.

Xəsarət almış daha bir qazaxıstanlı isə Fövqəladə Hallar Departamentinin briqadası tərəfindən çatdırılıb.

Rusiya ərazisində Qazaxıstan vətəndaşlarının iştirakı ilə yol-nəqliyyat hadisəsinin baş verməsi barədə məlumat alındıqdan sonra altı təcili yardım briqadası operativ surətdə hadisə yerinə göndərilib.

Səhiyyə Nazirliyindən bildirilib ki, xəsarət alanlardan 5 nəfəri Uralsk şəhər çoxprofilli xəstəxanasına, iki uşaq isə çoxprofilli uşaq xəstəxanasına yerləşdirilib və onlara hərtərəfli tibbi yardım göstərilir.