Sakit okean sahillərində güclü zəlzələ olub

Seysmoloqlar Sakit Okeanın cənub-qərbində, Papua-Yeni Qvineyanın sahillərində 6,5 maqnitudada zəlzələ qeydə alıblar.

“Report” xəbər verir ki, vu barədə ABŞ-ın Geoloji Xidməti (USGS) məlumat yayıb.

Xidmətin məlumatına görə, yeraltı təkanların ocağı 12,3 kilometr dərinlikdə, zəlzələnin episentri 25 min nəfərdən çox əhalisi olan Vevak şəhərindən 65 kilometr qərbdə, Şərqi Sepik əyalətində yerləşib.

Hələlik tələfat və dağıntı barədə məlumat verilmir, sunami təhlükəsi elan edilməyib.