Şahzadə Uilyam üçüncü dəfə ata olub

Bakı. 23 aprel. REPORT.AZ/ Böyük Britaniya şahzadəsi Uilyam növbəti dəfə övlad sahibi olub.

"Report" "Reuters"ə istinadən xəbər verir ki, şahzadənin həyat yoldaşı hersoginya Keyt Middlton oğlan uşağı dünyaya gətirib.

Doğum Paddinqtonda yerləşən "Müqəddəs Mariya" hospitalında baş tutub. Körpə, təxminən, 3,8 kq ağırlığında olub.

Qeyd edək ki, bu, şahzadənin üçüncü uşağıdır. Yeni doğulmuş körpə Britaniya taxtında növbədə beşinci olub.