Yuxarı
    Bağlamaq

    Sürətlə yayılan Ebola virusu ÜST-ün nəzarətindən çıxır

    ÜST-nın baş direktoru bildirib ki, yeni pasiyentlərin sayı artır

    Bakı. 12 sentyabr. REPORT.AZ/ "Ebola virusu xəstəliyi nəzarət etmək və yeni pasiyentləri müalicə etmək imkanından daha sürətlə yayılır". Report RİA Novosti-yə istinadən xəbər verir ki, bu barədə Ümumdünya Səhiyyə Təşkilatının (ÜST) baş direktoru Marqaret Çanın bu gün yayılan bəyanatında deyilir. 

    "Qərbi Afrikada yayılan Ebola epidemiyası xəstəliyin 40 illik tarixi ərzində ən böyük, mürəkkəb və ağır epidemiyadır. Yeni pasiyentlərin sayı onları müalicə etmək imkanından daha sürətlə artır" - deyə, M.Çan Cenevrədəki konfransda bildirib. 

    Daha əvvəl ÜST Ebola virusu qurbanlarının 2296 nəfərə çatdığı haqqında məlumat yayıb. Virusa ümumilikdə 4293 nəfər yoluxub. ÜST bildirib ki, Ebola virusu Qərbi Afrika ərazisində sürətlə yayılır. Qızdırmadan ölüm halları 53% təşkil edir. Virus əleyhinə effektiv vaksin hələ icad olunmayıb. ÜST xəstəliyin müalicəsi üçün eksperimental dərmanlardan istifadəni etik hesab edir.

    Ebola virusu 1976-cı ildə Zairdə kəşf olunub və xəstəliyə ilk yoluxan insanların yaşadığı kəndin yaxınlığında axan çayın adı ilə adlandırılıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi