Rusiyanın Ukrayna gəmisinə endirdiyi zərbə nəticəsində iki nəfər ölüb

 Rusiyanın Ukrayna Hərbi Dəniz Qüvvələrinin (HDQ) gəmisinə endirdiyi zərbə nəticəsində iki hərbçi həlak olub.

"Report" xəbər verir ki, bu barədə "RBK-Ukrayna" Ukrayna HDQ-nin spikeri Dmitri Pletençuka istinadən məlumat yayıb.

Onun sözlərinə görə, gəmiyə endirilən zərbə nəticəsində yaralananlar da var. 

"Axtarış-xilasetmə işləri davam edir. Əlbəttə, bütün itkin düşənləri tapacağıq. Həmçinin bir neçə hərbçi yaralanıb. Lakin ekipajın əksəriyyəti təhlükəsizlikdədir", - D.Pletençuka bildirib.

Gəminin vəziyyəti barədə də məlumat verilməyib.

Qeyd edək ki, gəminin vurulması barədə ötən gün Rusiya Müdafiə Nazirliyi məlumat vermişdi.