Yuxarı
    Bağlamaq

    ​Rusiyanın hərbi rəsmisi: "ABŞ və NATO sərhədlərimiz yaxınlığında uçuşların sayını artırıb"

    Bu halda radioelektron qurğular 500 km dərinlikdə kəşfiyyat apara bilər

    Bakı. 16 dekabr. REPORT.AZ/ "ABŞ və NATO ölkələri Baltikyanı ərazinin hava məkanında uçuşların sayını artırıb".

    "Report" "RİA Novosti"yə istinadən xəbər verir ki, bunu Rusiya Hərbi Hava Qüvvələrinin baş komandanı general-polkovnik Viktor Bondarev bildirib.

    "2014-cü ildən Baltik və Barents dənizləri, Baltikyanı dövlətlərin hava məkanında ABŞ və NATO ölkələri kəşfiyyat uçuşlarının sayını intensivləşdirib. Hər həftə 8-12 dəfə uçuş həyata keçirilir", - general-polkovnik deyib.

    Onun sözlərinə görə, uçuşlar Rusiya sərhədi yaxınlığında gerçəkləşdirilir. Bu halda radioelektron qurğular 500 km dərinlikdə kəşfiyyat apara bilər.

    "Praktik olaraq, hər gün ABŞ Hərbi Hava Qüvvələrinin RC-135 kəşfiyyat təyyarələri uçuşlar həyata keçirir. 2013-cü ildə ümumilikdə 22, 2014-cü ildə isə 140-dan artıq belə uçuş olub", - V.Bondarev əlavə edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi