Yuxarı

Rusiyadan Misirə bütün aviareyslər dayandırılıb

Prezident Vladimir Putin bununla bağlı hökumətə göstəriş verib

Bakı. 6 noyabr. REPORT.AZ/ Rusiyadan Misirə bütün aviareyslər müvəqqəti olaraq dayandırılıb. "Report" Rusiya KİV-inə istinadən xəbər verir ki, bununla bağlı ölkə prezidenti Vladimir Putin hökumətə göstəriş verib. 

Kremlin mətbuat katibi Dmitriy Peskov bildirib ki, bu gün Moskvada Misirdə qəzaya uğrayan və 224 nəfərin ölümünə səbəb olan Rusiyaya məxsus "Airbus-321" sərnişin təyyarəsi ilə bağlı Terrorla Mübarizə Milli Komissiyasının iclası keçirilib: 

"Toplantıda Rusiya Federal Təhlükəsizlik Xidmətinin (FTX) rəhbəri Aleksandr Bortnikov Vladimir Putinə Misir Sinay yarımadasında qəzaya uğramış Rusiyaya məxsus sərnişin təyyarəsi ilə bağlı təhqiqat başa çatanadək bu ölkəyə uçuşların dayandırılmasını təklif etdi. Prezident də bu təklifi qəbul etdi və hökumətə də lazımi addımları atmaq üçün göstəriş verdi". 

Bundan başqa, Rusiya Federal Turizm Agentliyinin Vladimir Putinin əmri ilə Misirdən rus turistlərin təxliyə edilməsi üçün işə başladığı bildirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi