Rusiya Suriyanın Tartus şəhərində bazasını genişləndirmək niyyətindədir

Bakı. 14 iyul. REPORT.AZ/ Rusiyanın Müdafiə Nazirliyi Suriyanın Tartus şəhərindəki Hərbi Dəniz Donanmasının (HDD) material-texniki təminat məntəqəsinin texniki imkanlarını qanunvericilik səviyyəsi genişləndirmək niyyətindədir.

"Report" RİA "Novosti"yə istinadən xəbər verir ki, bu barədə Dövlət Dumasının plenar iclasında Müdafiə Komitəsinin sədri Vladimir Şamanov bildirib.

Onun sözlərinə görə, sənəd ratifikasiya olunarsa, Rusiya HDD bölgədə olan gəmi qruplarından istifadə üzrə yeni imkanlar əldə edəcək. Komitə sədri Rusiyanın Hmeymim və Tartusdakı hərbi bazalarının Suriyadakı vəziyyətin sabitləşməsinin əsas amili adlandırıb.