Yuxarı
    Bağlamaq

    Rusiya Suriyada hava hücumlarını intensivləşdirib

    Son 24 saat ərzində terrorçuların 10 mövqeyi hədəf alınıb.

    Bakı. 5 oktyabr. REPORT.AZ/ Rusiya Suriyada İŞİD-ə qarşı hava hücumlarını intensivləşdirib. 

    "Report" xəbər verir ki, Rusiya Müdafiə Nazirliyinin bildirdiyinə görə, qırıcı təyyarələr son 24 saat ərzində təlim düşərgələri, silah anbarları və komanda postları daxil edilməklə, terrorçuların 10 mövqeyini hədəf alıb.

    Hücumların əksəriyyəti İdlib vilayətində, digərləri isə İŞİD-in sabiq paytaxtı Raqqada həyata keçirilib.

    Qərb hökumətləri isə Rusiyanın İŞİD deyil, Bəşər Əsəd rejiminə rəqib qüvvələri hədəf aldığını deyir.

    Britaniyanın baş naziri Devid Kameron Rusiyanın İŞİD-ə qarş mübarizəyə qoşulmasını alqışlasa da, regionda sabitliyin bərqərar edilməsi üçün Əsədin hakimiyətdən getməsinin vacibliyini qeyd edib.

    "Orada qəssab Əsədə dəstək verilir. Bu, həm onlara, həm də bütün dünyaya ziddir" –deyə Kameron BBC-də bildirib.

    Britaniyanın müdafiə rəsmiləri Rusiyanın hava hücumlarının yalnız 5 faizinin İslam Dövlətinə qarşı yönəldiyini deyir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi