Bakı. 19 noyabr. REPORT.AZ/ Rusiya, İran və Türkiyənin xarici işlər nazirləri Antalyada bütün məsələlərlə bağlı razılıq əldə ediblər.
“Report” TASS-a istinadən xəbər verir ki, bunu Rusiyanın XİN rəbəri Sergey Lavrov deyib.
Lavrov bildirib ki, sözügedən üç ölkənin baş qərargah rəisləri noyabrın 22-də Soçidə keçiriləcək sammit öncəsi görüşərək Suriyada deeskalasiya zonalarının işinin detallarını müzakirə edəcəklər.
"Rusiya, Türkiyə və İranın baş qərargah rəisləri də noyabrın 22-də Soçidə keçiriləcək sammitə hərbi xətt üzrə hazırlıq qismində öz görüşlərini keçirəcəklər", - deyə o əlavə edib.