Rusiya Bolqarıstana qazın verilişini dayandırır

Rusiyanın “Qazprom” şirkəti sabah, aprelin 27-dən Bolqarıstana təbii qaz tədarükünü dayandıracaq.

“Report”un məlumatına görə, bu barədə Bolqarıstan Enerji Nazirliyi məlumat yayıb.

Mart ayında Bolqarıstan Rusiya Federasiyasından idxal edilən qazın dəyərini rublla ödəməkdən imtina etdiyini açıqlamışdı.

Qeyd edək ki, “Qazprom” aprelin 27-də, Moskva vaxtı ilə saat 09:00-dan etibarən Rusiya qazının Polşaya nəqlini tamamilə dayandıracaq.