Rumıniya rusiyalı diplomatı arzuolunmaz şəxs elan edib

Rumıniya hökuməti Rusiyanın Buxarestdəki səfirliyinin hərbi attaşesinin köməkçisini arzuolunmaz şəxs (persona non grata) elan edib.

“Report” xəbər verir ki, bu barədə məlumatı Rumıniya XİN yayıb.

XİN-dən bildiriblər ki, diplomatın “fəaliyyəti və hərəkətləri 1961-ci il tarixli Diplomatik münasibətlərə dair Vyana konvensiyasına zidd gəlir”.

Xatırladaq ki, aprelin 23-də Latviya, Litva və Estoniya rusiyalı diplomatları öz ərazilərindən qovduqlarını elan ediblər.