Yuxarı

Roma Papasının Türkiyəyə rəsmi səfəri başlayıb

Səfər çərçivəsində pontifik Türkiyə prezidenti və Konstantinopol patriarxı ilə görüşəcək

Bakı. 28 noyabr. REPORT.AZ/ Roma Papası I Fransiskin Türkiyəyə üçgünlük səfəri başlayıb. "Report" "Anadolu" agentliyinə istinadən xəbər verir ki, pontifikin şərəfinə Esenboğa Beynəlxalq Hava Limanında fəxri qaravul dəstəsi düzülüb. 

Roma Papası ilk növbədə Ankarada Türkiyə Cümhuriyyətinin qurucusu Atatürkün qəbrini ziyarət edəcək, daha sonra yeni Prezident Sarayına gedərək, Türkiyə prezidenti Rəcəb Tayyib Ərdoğan və Nazirlər Kabinetinin üzvləri ilə görüşəcək. 

Sabah səhər Papa I Fransiskin İstanbulda Konstantinopol patriarxı I Varfolomey ilə də görüşü nəzərdə tutulub.

Qeyd edək ki, Roma Papasının gəlişi ilə əlaqədar Türkiyədə yüksək səviyyədə təhlükəsizlik tədbirləri görülüb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi