Roma Papası xəstəxanaya yerləşdirilib

Roma Papası Fransisk uzun müddət davam edən bronxitin müalicəsi üçün xəstəxanaya gəlib.

“Report” xəbər verir ki, bu barədə Müqəddəs Taxt-Tacın mətbuat xidməti məlumat yayıb.

Bildirilib ki, Pontifik bir sıra diaqnostik müayinələrdən keçməli və bronxitin müalicəsini davam etdirməlidir.

Qeyd edilib ki, Roma Papası Fransisk son iki ümumi audiyensiyada və digər tədbirlərdə hazırlanmış nitqlərini başqalarının oxumasını xahiş edib.