Robert Kennedi: Trampı ancaq mən məğlub edə bilərəm

ABŞ-də prezident seçkilərində müstəqil namizəd kiçik Robert Kennedi Respublikaçılar Partiyasının namizədi Donald Trampı yalnız özünün məğlub edə biləcəyini açıqlayıb.

"Report" xarici KİV-ə istinadən xəbər verir ki, bu barədə o, mətbuat konfransında ona ünvanlanan suala cavabında danışıb.

“Trampa qalib gələ biləcək başqa namizəd yoxdur. Ona qalib gələ biləcəyimə inanıram", - Kennedi deyib.

Siyasətçi Tramp seçiləcəyi halda ABŞ-də vəziyyətin pisləşəcəyini bildirib.

Qeyd edək ki, kiçik Robert Kennedi ABŞ-nin sui-qəsdə uğrayaraq öldürülən 35-ci prezidenti Con Kennedinin qardaşı oğludur.