Rio-de-Janeyroda ekoloqlar 88 ölü delfin aşkarlayıblar

Bakı. 5 yanvar. REPORT.AZ/ Braziliyanın ekoloqları Rio-de-Janeyroda, körfəzdə ölmüş 88 delfinin məhvi səbəbini müəyyənləşdirməyə çalışırlar.

"Report" xəbər verir ki, bu barədə "ABC" telekanalı məlumat yayıb.

Qeyd edilir ki, onlarla delfinin cəsədi son 18 həftədə körfəzdən çıxarılıb. Bioloq Leonardo Flaç teleşirkətə bildirib ki, delfinlərin məhvinə bakteriya və ya virus səbəb ola bilər.

"Biz heç vaxt belə halla rastlaşmamışıq. Bu, faciədir. Hər gün dörd və ya beş ölmüş delfin tapırıq", - deyə o bildirib.