Ramallahda israilli hərbçilərlə fələstinli gənclər arasında toqquşma olub

İordan çayının qərb sahilində yerləşən Ramallah şəhərində İsrail hərbçiləri ilə fələstinli gənclər arasında toqquşma baş verib.

“Report” TASS-a istinadən xəbər verir ki, bu barədə “Əl-Cəzirə” telekanalı məlumat yayıb.

İsrail ordusu gözyaşardıcı qaz və rezin güllələrdən istifadə edib. Digər təfərrüatlar barədə məlumat verilmir. Ölən və yaralananlar barədə məlumat yoxdur.

Telekanalın məlumatına görə, gecə ərzində İsrail hərbçiləri Qəzza zolağının müxtəlif ərazilərində bir neçə reyd keçirib. Nəticədə 1 nəfər ölüb, bir neçə nəfər yaralanıb, onlarla insan həbs edilib.