Qəzzada azad edilən üç girov Qızıl Xaç əməkdaşlarına təhvil verilib

HƏMAS tərəfindən Qəzza zolağında saxlanılan üç girov Beynəlxalq Qızıl Xaç Komitəsinin (BQXK) əməkdaşlarına təhvil verilib.

“Report” bu barədə xarici KİV-ə istinadən xəbər verir.

Hazırda azad edilmiş şəxslərin olduğu BQXK avtomobilləri Qəzza zolağının cənubundakı Xan-Yunis şəhərini tərk edərək İsrail hərbçilərinin yerləşdiyi məntəqələrə doğru hərəkət edir.

İsrail Ordusu da Qəzzada azad edilən girovların BQXK-ya təhvil verildiyini və İsrail hərbçilərinə doğru yollandığını təsdiqləyib.