Yuxarı

Qahirədə polis etiraz aksiyasını dağıtmaq üçün gözyaşardıcı qazdan istifadə edib

Misirlilər ölkə rəhbərliyinin iki mübahisəli adanı Səudiyyə Ərəbistanına vermək qərarına etiraz edir

Bakı. 15 aprel. REPORT.AZ/ Misir polisi Qahirədə etiraz aksiyasını dağıtmaq üçün gözyaşardıcı qazdan istifadə edib.

"Report" "RİA Novosti"yə istinadən xəbər verir ki, misirlilər ölkə rəhbərliyinin iki mübahisəli adanı - Qırmızı dənizdə yerləşən Tiran və Sanafir adalarını Səudiyyə Ərəbistanına vermək qərarına etiraz edirlər. Polis onlarla etirazçını həbs edib.

Daha əvvəl vətəndaş cəmiyyəti fəalları, o cümlədən "Müsəlman qardaşlar"ını dəstəkləyənlər sosial şəbəkələrdə misirlilərə hakimiyyətin yuxarıda göstərilən addımına görə etiraz aksiyasına qoşulmaqla bağlı çağırış etmişdi. Dünən isə Misir Daxili İşlər Nazirliyi vətəndaşlara müraciətində bu etiraz aksiyalarında iştirak etməməyə çağırmış və asayişi təmin etmək üçün sərt tədbirlər görəcəyini bildirmişdi.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi