Qabonda ordu prezident seçkilərinin nəticələrinin ləğv edildiyini bəyan edib, paytaxtda atışma gedir

Qabon ordusu hakimiyyət institutlarının ləğv olunduğunu elan edib.

“Report” AFR-ə istinadən xəbər verir ki, seçki komissiyasının bu gün açıqladığı rəsmi nəticələrə görə, Qabonun hazırkı prezidenti, 14 ildir hakimiyyətdə olan Əli Bonqo Ondimba 64,27% səslə üçüncü müddətə qalib gəlib.

Bundan sonra Qabonda hərbçilər televiziya vasitəsilə bütün dövlət qurumlarının buraxıldığını, son prezident və parlament seçkilərinin nəticələrinin ləğv edildiyini bəyan ediblər. Hazırda paytaxt Librevil şəhərində avtomat silahlardan istifadə edilməklə atışma gedir. Ordu sərhədlərin bağlandığını da bəyan edib.