Putin Səudiyyə Ərəbistanının vəliəhd şahzadəsi ilə danışıb

Rusiya Prezidenti Vladimir Putin Səudiyyə Ərəbistanı Krallığının vəliəhdi, Baş nazir Məhəmməd bin Salman bin Əbdüləziz Al Səud ilə telefon danışığı aparıb.

“Report” xəbər verir ki, bu barədə Kremlin mətbuat xidməti məlumat yayıb.

Liderlər Rusiya ilə Səudiyyə Ərəbistanı arasında qarşılıqlı hörmət və bir-birinin maraqlarının nəzərə alınması prinsiplərinə əsaslanan dostluq münasibətlərinin əldə edilmiş səviyyəsini yüksək qiymətləndiriblər.

Tərəflər müxtəlif səviyyələrdə əlaqələri davam etdirmək barədə razılığa gəliblər.

Həmçinin siyasi, ticarət-iqtisadi və enerji sahələrində əməkdaşlıq məsələləri müzakirə edilib və enerji bazarında sabitlik üçün OPEC+ çərçivəsində sıx koordinasiyanın vacibliyi qeyd edilib.