Putin: Suriya probleminin yeganə həll yolu qanuni hakimiyyətin güclənməsidir

Bakı. 25 sentyabr. REPORT.AZ/ Suriya münaqişəsinin yeganə həll yolu qanuni hakimiyyətin güclənməsindən keçir. “Report”un RİA “Novosti” agentliyinə istinadən verdiyi məlumata görə, bu fikri amerikanın CBS telekanalına müsahibəsində Rusiya prezidenti Vladimir Putin səsləndirib.

Onun sözlərinə görə, Suriyada hakimiyyət orqanlarının dağıdılması dövlətçiliyin məhvi ilə nəticələnəcək. Beləliklə, Suriyada digər regionlarda baş verənlər yaşanacaq. “Məsələn, hazırda Liviya və İraqda yaşanan vəziyyətin eynisi Suriyada ola bilər”, - deyə Putin əlavə edib.

Rusiya prezidenti qeyd edib ki, Suriyanın gələcəyini ancaq suriya xalqının özü təyin edə bilər.