Portuqaliyada prezident seçkiləri keçiriləcək

Bu gün Portuqaliyada koronavirus pandemiyasının şiddətlənməsi fonunda prezident seçkiləri keçiriləcək.

“Report”un məlumatına görə, ölkənin hazırkı lideri Marselo Rebelo de Souza da daxil olmaqla ən yüksək post uğrunda yeddi namizəd mübarizə aparır.

Seçki məntəqələri yerli vaxtla 08: 00-da (Bakı vaxtı ilə 12:00) açılacaq və 19: 00-a qədər (Bakı vaxtı ilə 23:00) fəaliyyət göstərəcək. Portuqaliyada 9 milyondan çox insanın səs vermək hüququ var.

Ölkə qanunvericiliyinə görə, prezident ümumi birbaşa və gizli səsvermə yolu ilə beş il müddətinə seçilir. Hazırkı dövlət başçısı, 72 yaşlı Rebelo di Souza 2016-cı ildən ölkənin prezidentidir və rəy sorğularına əsasən yarışın favoriti sayılır.

Əgər namizədlərdən heç biri səslərin 50% -dən çoxunu ala bilməsə, 14 fevral tarixində seçkilərin ikinci turu keçiriləcək.