Portuqaliyada koronavirusa yoluxma faktı aşkarlandı

Koronavirus infeksiyası Qərbi Avropanın daha bir ölkəsinə çatıb.

“Report” “Reuters”ə istinadən xəbər verir ki, Portuqaliyada 2 nəfərə koronavirus diaqnozu qoyulub.

Məlumata görə, virus daşıyıcılarının biri İtaliyadan, digəri isə İspaniyadan səfərdən qayıdıb.

Xatırladaq ki, dünyada koronavirus infeksiyasına indiyədək yoluxanların sayı 89 254 nəfərdir. Bunların 45 497 nəfəri sağalıb, 3 069 nəfər isə ölüb.