Portuqaliyada helikopter qəzaya uğrayıb, ölənlər var

Portuqaliyada yanğın helikopterinin qəzaya uğraması nəticəsində azı iki nəfər ölüb.

“Report” xəbər verir ki, bu barədə Portuqaliyanın “Lusa” agentliyi məlumat yayıb.

Məlumata görə, helikopter ölkənin şimalında çaya düşüb. Helikopterin içərisində ölkənin Milli Qvardiyasının iki hərbçisinin meyiti tapılıb.

Agentlik sonra daha iki hərbçinin meyitinin tapıldığını bildirib. Daha bir nəfər itkin düşmüş sayılır.

Qeyd edilir ki, helikopterin pilotu xəstəxanada sabit vəziyyətdədir.