Yuxarı

​Poroşenko Donbasa ATƏT hərbçilərinin yeridilməsini istəyib

Silahlı polis missiyası münaqişənin həlli variantlarından biridir

Bakı. 2 aprel. REPORT.AZ/ Ukrayna prezidenti Pyotr Poroşenko hesab edir ki, ölkənin cənub-şərqində gedən silahlı münaqişəni ATƏT-in Donbasa göndərə biləcəyi silahlı polis missiyası həll edə bilər.

"Report" xəbər verir ki, bu barədə o Vaşinqtonda keçirilən nüvə sammitindən sonrakı brifinq zamanı bildirib.

"Problemin həlli variantlarından biri ATƏT-in silahlı polis missiyası şəklində beynəlxalq təhlükəsizlik komponentidir", — deyə Poroşenko əlavə edib.

O eyni zamanda qeyd edib ki, bunun üçün ATƏT-in müvafiq qərarı lazımdır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi