Polşada turistlə dolu avtobus qəzaya uğrayıb, ölənlər var

Bakı. 18 iyun. REPORT.AZ/ Polşada turistləri daşıyan avtobus dərəyə düşüb.

"Report" "RİA Novosti"yə istinadən xəbər verir ki, hadisə nəticəsində iki nəfər ölüb, 16 nəfər yaralanıb.

Məlumata görə, 50 insanın olduğu avtobus əvvəlcə qarşıdan gələn yol xəttinə çıxıb, sonra dərəyə yuvarlanıb.

Hazırda yol bağlanıb, ərazidə 6 təcili tibbi yardım dəstəsi və onlarla xilasetmə qrupu işləyir, yaralıları evakuasiya etmək üçün helikopterlər cəlb olunub.