Yuxarı
    Bağlamaq

    Polşada avronun tətbiqi ilə bağlı referendum keçirilməlidir

    Avropa İttifaqına daxil olan Polşa üzərinə vaxtı gələndə ümumi valyuta tətbiq etmək öhdəliyi götürüb

    Bakı. 8 sentyabr. REPORT.AZ/ Polşa prezidenti Anjey Duda hesab edir ki, polşalılar ölkədə avronun tətbiqi ilə bağlı fikirlərini referendumda bildirməlidirlər. O, bu fikri sentyabrın 8-də Krınitsa-Zdruy şəhərində keçirilən XXV İqtisadi Forumda səsləndirib.

    Duda deyib: “Polşa avrozonaya daxil olmaq barədə qərar qəbul edəcəksə, qoy bu, dərk edilmiş qərar olsun. Polşa cəmiyyəti bunun nəticələri, idarə edən təsisatın Polşa Milli Bankı deyil, Avropa Mərkəzi Bankının olacağı, öz valyutamızı itirəcəyimiz və bundan sonra nələr olacağı barədə məlumatlandırılmalıdır. Hesab edirəm ki, sonda referendum keçirilməlidir. Yenə də dürüst müzakirələrdən sonra”.

    Avropa İttifaqına daxil olan Polşa üzərinə vaxtı gələndə ümumi valyuta tətbiq etmək öhdəliyi götürüb. Amma bununla bağlı dəqiq müddət müəyyən olunmayıb. Polşanın hakimiyyəti avrozonadakı böhranı nəzərə alaraq, bu məsələyə baxılmasını bu il oktyabrın 25-də keçiriləcək növbəti parlament seçkilərinə qədər təxirə salmaq barədə qərar qəbul edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi