Polşada iri ticarət mərkəzindəki yanğın lokallaşdırılıb - YENİLƏNİB

Polşanın paytaxtı Varşavanın şimalındakı ticarət mərkəzində baş verən yanğın lokallaşdırılıb.

"Report" xəbər verir ki, bu barədə Polşa KİV-i məlumat yayıb.

Dövlət yanğınsöndürmə nəzarətinin baş komendantı Mariuş Feltinovski jurnalistlərə bildirib ki, ticarət mərkəzinin binası tamamilə dağılıb.

Onun sözlərinə görə, ticarət mərkəzində həddindən artıq yanar materiallar, ilk növbədə tekstil məmulatları olduğu üçün yanğın çox sürətlə yayılıb.

Yanğının səbəbi hələlik məlum deyil.

11:40

Polşanın paytaxtı Varşavanın şimalındakı ticarət mərkəzində yanğın baş verib.

“Report” xəbər verir ki, bu barədə Polşa KİV-i yanğınsöndürənlərə istinadən məlumat yayıb.

Yanğının söndürülməsinə 150 ​​yanğınsöndürən cəlb olunub.

Alovun yayılması lokallaşdırılsa da, tamamilə yanan binaya hələlik daxil olmaq mümkün deyil.

İlkin məlumata görə, xəsarət alan olmayıb.

Polşa paytaxtının ətraf rayonlarının və ətraf rayonların sakinlərinə evdə qalmaq və pəncərələri möhkəm bağlamaq tövsiyə olunub, belə ki, ticarət kompleksinin ərazisində sağlamlıq üçün təhlükəli ola biləcək kimyəvi maddələr saxlanılıb.