Polşa Belarusla sərhəddə hasarın tikintisinin başa çatma tarixini açıqlayıb

Polşa iyulun 15-dək Belarusla sərhəddə hasarın tikintisini başa çatdırmaq niyyətindədir. Onun ümumi uzunluğu təxminən 300 kilometrdir.

“Report” “Ukrinform”a istinadən xəbər verir ki, bu barədə Polşanın daxili işlər nazirinin müavini Maçey Vinsik məlumat verib.

Bildirilib ki, 5 metr hündürlüyündə olan hasarın Polşa hissəsində elektron müşahidə sistemlərinin quraşdırılması sentyabrın ortalarına qədər davam edəcək.

Layihənin ümumi dəyəri texniki avadanlıqla birlikdə təxminən 400 milyon dollar təşkil edir.