Polşa-Belarus sərhədində 3 miqrantın meyiti tapılıb

Polşa-Belarus sərhədi yaxınlığında yerləşən Beloveji rayonunda 3 miqrantın meyiti tapılıb.

“Report” xəbər verir ki, bu barədə Polşa mətbuatı məlumat yayıb.

Amma onların ölüm səbəbləri açıqlanmır.

Podlyas polisinin mətbuat katibi Edita Vilçinska ölənlərlə bağlı məlumatı təsdiqləyib, lakin onların dəqiq sayını açıqlamayıb.

“Sərhəd xidməti bizə naməlum şəxslərin meyitlərinin tapılması barədə məlumat verib”, - Podlyas Polis İdarəsinin mətbuat katibi Edita Vilçinskaya bildirib.

Xatırladaq ki, Polşa-Belarus sərhədində humanitar böhran başlayandan bəri rəsmi təsdiqlənmiş ölüm sayı 30 nəfərdir. Bundan başqa, 185 nəfərin itkin düşdüyü barədə məlumat verilib.